Македонија чека Косово да ја повлече одлуката за царините
Објавено во: Агробизнис 23 Јули, 2018
Засега Македонија нема да воведе контра мерки како одговор на Косово туку ќе почека косовската влада да ја повлече одлуката за зголемување на царините за увозното овошје и зеленчук.
Од МЗШВ соопштуваат дека се во постојана комуникација со ресорните министри од Косово и од регионот.
„Владата прави се за да не дојде во ситуација да воведуваме контра –
мерки како одговор на постапката на Косово. Очекуваме, Владата на Косово да ја
повлече донесената мерка со што ќе го надминеме спорот“, соопштија од министерството.
Како што се додава во среда ќе има и заедничка средба на сите ресорни министри од регионот на која како претставник од Македонија ќе биде министерот Николовски и на таа средба ќе се бара заеднички модел како да се надмине овој проблем со Косово.
Доколку пак не се надмине проблемот во среда, веќе во тек на наредните денови министрите за земјоделство Љупчо Николовски и за економија Крешник Бектеши, ќе се сретнат и со нивните колеги - косовските ресорни министри, на средбата ќе се бара начин за надминување на ситуацијата.
„Целта е укинување на одлуката и овозможување на брз проток на стоки и услуги како и трговска размена помеѓу двете земји. Очекуваме да се постигне соодветен договор, во кои нема да има незадовлони страни и кој ќе биде од интерес на сите“, велат од МЗШВ.
Доколку и покрај сите напори и средби кои престојат Косово не ја повлече одлуката, Владата на Република Македонија ќе преземе мерки за заштита на домашното производство.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
МАКЕДОНИЈА ИЗГУБИЛА ГОЛЕМ ДЕЛ ОД ДОМАШНОТО ПРОИЗВОДСТВО НА ХРАНА – се сади се помалку и помалку
СЕ СНАОЃААТ КОЈ КАКО ЗНАЕ И УМЕЕ: Производителите брзаат да ги продадат јапонските јаболка
