Македонија го потпиша договорот за изградба на кракот од гасоводот „Јужен тек“?!

Добивај вести на Viber

Македонија и Русија подготвија меѓувладин договор за изградба на крак за испорака на гас за Македонија, како дел од „Јужен тек“, пренесува руската агенција „Итар тас“. 

Според документот изработен од Министерството за енергетика на Русија, во случај на потврда на изводливоста на целиот проект и доколку анализите за проектирање на гасоводот ја потврдат изводливоста на проектот, „Газпром“ и „Македонски енергетски ресурси“ ќе формираат заедничка компанија за реализација на проектот со еднаков удел од 50 отсто. Со тоа можат да се привлечат многу акционери со понатамошна прераспределба на акции.

Како што наведува „Итар тас“, линијата на гасоводот по која ќе поминува и неговиот капацитет е оставено да се утврдат, според резултатите од анализата. Количеството на природен гас и условите на снабдување на Македонија се утврдени меѓу договорите на „Газпром“ и „А.Д. Македонски енергетски ресурси“.

Сите права од користењето на природниот гас и припаѓаат на „Газпром“. Со документот се дефинирани обврските на македонската страна да не наметнува никакви ограничувања на руски инвестиции во Македонија, согласно соговорот како и да обезбеди оваа компанија да има пониски даночни и царински услови.