Добивај вести на Viber
Македонија ја нема на светската листа “ Држави – брендови “ за 2012 та – 2013 та година . Најновото рангирање на консултантската куќа „FutureBrend“ ја објави годинашната листа на државите што сами по себе се брендови . На прво место е Швајцарија, која има напредок за една позиција во однос на 2012 та година , втора на листата е Канада. Еве кои земји влегуваат во водечката петорка :
- Швајцарија +1
- Канада -1
- Јапонија +1
- Шведска +3
- Нов Зеланд -2
Во најновото истражување „Country Brand Index“ од поранешните југословенски републики, со 41 вата позиција Хрватска е најдобро рангирана , следува Словенија која е на 63., Босна и Херцеговина на 82., додека Србија е на 108. место. Македонија и Црна Гора ги нема во рангирањето на 118 те анализирани земји .
Од Регионот , Грција како „ бренд – држава“ се најде на 39 тото место , зад неа е Бугарија со 79 тото и Албанија на 94-то место .
Според анализата на консултантската куќа , еве кои се државите што во иднина ќе бидат брендови :
- Обединети Арапски Емирати
- Чиле
- Малезија
- Катар
- Естонија
- Кина
- Исланд
- Мексико
- Бразил
- Турција
Рангирањето на консултантската куќа се реализира врз основа на „глобална перцепција“. Јавното мислење кое вклучува десетици параметри е основа за ова истражување , но се земаат во предвид и серија статистички истражувања . Според животниот стил на прво место е Шведска , следува Финска па Норвешка.
Еве кои земји се водечки според слободата на говорот :
- Шведска
- Норвешка
- Данска
- Швајцарија
- Нов Зеланд