Македонија ќе добие закон за инфраструктура на просторни податоци
![](/media/main/2013/04/GIS_mapa-primer-600x290.jpg)
Објавено во: Македонија 24 Април, 2013
Закон за инфраструктура на просторни податоци ќе добие наскоро Македонија со што, покрај Хрватска, ќе биде една од првите земји во регионот која ќе има законска рамка за оваа област што е еден од предусловите за исполнување на европските директиви.
Директорот на Агенцијата за катастар на недвижности Славче Трпески денеска изјави дека Нацрт-законот е веќе изготвен и наскоро се очекува негово усвојување и донесување од страна на Владата и Собранието.
- По донесувањето на законот, 17 институции ќе треба да ги изработат потребните геопросторни податоци што ќе бидат инкорпорирани во владин геопортал со кој, согласно законот, ќе управува Агенцијата за катастар на недвижности. Откако ќе се конституира тој ќе може да се поврзе со геопросторните податоци на земјите членки на Европската унија, рече Трпески во рамки на денешниот регионален форум Inspiration.
Според Фриц Кроис, менаџер на проектот, Македонија е една од земјите во регионот која бележи напредок во оваа сфера.
- Македонија е на добар пат да остане една од земјите кои во овој поглед се на прво место. И честитам за напредокот што го направи за релативно краток период. Минатиот пат кога во октомври бевме во Македонија беше формирана само работна група, а сега веќе има нацрт на нов закон, изјави Кроис.
Во Хрватска, која од 1 јули ќе стане членка на ЕУ, предлог-законот веќе е разгледан од страна на хрватскиот Сабор и се очекува негово изгласување во петок.
- Геодетските податоци се едни од двигателите на стопанството на која било држава. Тие се едни од темелите на економскиот развој на секоја држава и доколку не водиме грижа за нив тогаш нема да имаме напредок во економијата и стопанството. Кај нас предлог-законот веќе е разгледан од страна на хрватскиот Сабор и тој во петок ќе биде изгласан. Тоа е наша обврска поради приклучувањето кон Европската унија на 1 јули годинава, истакна Данко Марковинович, директор на Државната геодетска управа на Хрватска.
Покрај Македонија и Хрватска во проектот Inspiration се вклучени и останатите држави од поранешна Југославија и Албанија и Косово. Проектот има за цел да ја зголеми размената на просторни податоци како и институционалната и техничката помош меѓу земјите од Западен Балкан.
Можеби ќе ве интересира
ПРОЛЕТНИОТ РАСПУСТ СЕ УКИНУВА: Утре почнува новата учебна година
![](/media/main/250x170/2020/08/20200826123605.jpg)
НОВ СЛУЧАЈ: Работници од Бангладеш исчезнале во тетовско
![](/media/main/250x170/2013/07/policija.jpg)
„Вреди“: Иницијативата за интерпелација на Гаши е обид за дестабилизација
![](/media/main/250x170/2021/12/20211221201813.jpg)
(ВИДЕО) ЛЕФКОВ: Бисера со службена картичка купила два авионски билети за Лондон, а потоа не заминала на пат
![](/media/main/250x170/2024/09/20240901171750.png)
АКТИВНИ СЕ ЧЕТИРИ ПОЖАРИ: Гори кај селото Долно Јаболчиште во Општина Чашка
![](/media/main/250x170/2024/08/20240828122533.jpg)
ИНТЕРВЈУ СО МИНИСТЕРОТ ЗА ПРАВДА ИГОР ФИЛКОВ: Секој што злоупотребил функција нема да остане неказнет, и за тоа ќе најдеме соодветно решение
![](/media/main/250x170/2024/08/20240831165750.jpeg)
ФИЛИПЧЕ: Владата нема оправдување што наставниците ја започнуваат школската година без покачени плати
![](/media/main/250x170/2024/09/20240901134110.png)
НЕВЕНЧАНАТА СОПРУГА МУ ГО ОШТЕТИЛА ВОЗИЛОТО: Неготинчанец пријавил во полиција
![](/media/main/250x170/2024/08/20240825143547.jpg)
АПАСИЕВ ГИ СПОРЕДИ ИЗЈАВИТЕ ШАЌИРИ И ВЕСНА ЈАНЕВСКА: Се однесуваат на албанската паралелка во Чашка
![](/media/main/250x170/2024/08/20240825230703.jpg)