Македонија не ја плаши неиспораката на руски гас?

Добивај вести на Viber

Најголем дел од погоните кои работат на природен гас во Македонија, имаат опција да преминат на друг вид гориво. Со ова првиот човек на Регулаторната комисија за енергетика Димитар Петров објаснува зошто Македонија не треба да е загрижена по најавите за можни проблеми во испораката на руски гас заради руско-украинската криза. Во изјава за 24 Вести, Петров нагласува дека причина за загриженост нема, иако рускиот претседател Владимир Путин вчера со писмо ги предупреди земјите-потрошувачи на руски гас, меѓу кои и Македонија дека е можно Русија во целост да ја стопира испораката на гас кон Украина што би довело до проблеми и во снабдувањето на Европа. „Секоја гасна криза има негативни ефекти врз работењето на компаниите кои го користат гасот како примарен енергенс. Во таков случај компаниите ќе треба да се ориентираат кон други видови на енергенси, што може да доведе до пораст на трошоците во работењето. Но со оглед на тоа што гасот сеуште нема доминантна улога, се цени дека таквата потенцијална ситуација нема да има значајно негативно влијание врз енергетската стабилност на државата“, оценува Петров во изјава за телевизијата.