Македонија во идна соработка со земјите од Блискиот исток?

Добивај вести на Viber

Пазар со огромен потенцијал се земјите од Блискиот Исток и Магреб  и големи се можностите за соработка со македонските компании, истакна денеска директорот на „Макпрогрес“ од Виница, Глигор Цветанов Според Цветанов, иако постои потенцијал за соработка, потребно е признавање на сертификатите за извоз, олеснување на визниот режим и склучување на договори за слободна трговија. Тој оцени дека има потенцијал за соработка  имајќи предвид дека севкупната размена на Европската унија со овие земји е околу 8,6 проценти, а на Македонија е само 0,6 проценти. - Значи дека сме многу далеку од потенцијалот на тие пазари. Досега се пробивавме самостојно и имавме доста проблеми. Ќе се трудиме во следниот период да работиме на зголемување на нашата активност во процесот на приближување на нашите производи кон тие пазари, рече Цветанов. И Горан Јовановски од компанијата „Адинг“, која во 2008 година отвори фабрика во Иран, смета дека потенцијалот на пазарите на Блискиот исток и земјите од Магреб е огромен и треба да се искористи. Вкупната надворешно-трговска размена на Македонија со земјите од Блискиот Исток, Магреб и Заливот во 2012 година изнесуваше 61,4 милиони американски долари, при што е остварен извоз од 18,2 милиони и увоз во вредност од 43,3 милиони долари. Трговскиот дефицит изнесува 25,1 милиони долари, додека покриеноста на увозот со извоз изнесува 42 проценти.