Добивај вести на Viber
Претставници на Федерацијата на фармери на Македонија (ФФРМ) реализираше средби и размени искуства со унгарските земјоделци и институции во полето на кооперативите и градинарствто. Како што информираат од Федерацијата, на тридневната посета, македонските фармери посетиле неколку преработувачки капацитети на зеленчук во Унгарија, а биле остварени и средби со градинари, претприемачи, како и претставници од владини и невладини институции кои работат на полето за развој на унгарското земјоделство.
Како што информираат од ФФРМ, овој студиски престој е организиран во соработка со македонската амбасада во Република Унгарија. Како што соопшти Федерацијата на средбата со амбасадорот Дарко Ангелов потенцирани се понатамошните активности кои Амбасадата и ФФРМ може да ги реализираат во насока на презентирање на македонското земјоделство и можноста за пробивање на македонските земјоделски производи на унгарскиот пазар.
ФФРМ реализира средба со Истван Јакоб, претседател на Национална асоцијација на здруженија на унгарските фармери и кооперативи (MAGOSZ), кој е потпретседател на унгарското Собрание. На средбата посочена е потребата од интензивирање и продлабочување на соработката меѓу MAGOSZ и ФФРМ и воопшто помеѓу македонското и унгарското земјоделство на билатерално ниво.
Студискиот престој е реализиран од страна на Федерацијата на фармерите и консултанстката куќа МЦГ, а поддржан од Агбиз програмата на УСАИД.