Максим Димитриевски го доби на суд началникот кој состави записник дека нападнал полицајци

Добивај вести на Viber

По пресудата во кумановскиот суд, градоначалникот на општината, Максим Димитриевски, објави дека го доби случајот за инцидентот на 5 април 2017 година, кога како пратеник на СДСМ беше нападнат од алкохолизирани полицајци на семејна забава, а подоцна беше обвинет за истото дело.од тогашниот началник на МВР дека испровоцирал насилство и дека тогашниот началник ќе треба да му се извини.

ВМРО-ДПМНЕ и поранешниот шеф на огранокот на партијата во Куманово, Драган Петковски, сега се принудени да се извинат за навреда и да платат точно 1 денар на градоначалникот на Куманово.

„ВМРО-ДПМНЕ и тогашниот претседател на огранокот на партијата во Куманово, Драган Петковски имаат обврска да ми се извинат за нанесена клевета и навреда и воедно да ми платат ни повеќе ни помалку, туку ЕДЕН денар оштета. 
Да, толку барав, ЕДЕН денар, бидејќи нивниот збор не вреди ниту еден денар, а нивните дела прават голема штета, се обидоа да ме дискредитираат и да ми го нарушат угледот и честа пред граѓаните во уште еден од многуте партиско - полициски монтирани постапки. Ме нарекоа насилник, криминалец, ме обвинија за настан во кој што и самиот Петковски не веруваше но по партиска задача читаше напишан текст од кујната на МВРО. Срамно и безобразно продолжуваа со приказната, а сега ќе мора да се извинат, бидејќи вистината е една, а таа секогаш излегува на површина.
Секако, ќе го расчистам случајот до крај и одговорност и за насилниците но пред се за инволвираните од страна на мвр ќе има по сите основи“, објави Димитриевски.

Димитриевски тврдеше дека тој бил нападнат од неуниформирани полицајци, кои во алкохолизирана состојба сакале да се пресметаат со него, додека го славел роденденот на сопругата во кумановската кафана. Од друга страна пак првичниот записник на МВР го тврдеше спротивното.

МВР го потврди инцидентот, но не наведе дали биле инволвирани полицајци. Според МВР, Димитриевски првично не бил оштетена страна, туку тој нападнал друго лице. Полицијата дури и најави мерки против тогашниот пратеник на СДСМ.

„Во секторот за внатрешни работи се јавило лицето З.А. кој пријавил дека во локалот Палас неговиот син бил физички нападнат од страна на М.Д. од Куманово. По преземање на потребните мерки и активности обезбедени се лица сведоци кои биле присутни за време на настанот и го потврдуваат истиот. Настанот е расчистен и против сторителот М.Д. ќе биде поднесена соодветна пријава.“ – соопштија тогаш од МВР