Максим Димитриевски: Можна соработка со Димитар Ковачевски ако се огради
Објавено во: Македонија 16 Декември, 2021
Градоначалникот на Куманово, Максим Димитриевски, ја отвори вратата за идна можна соработка со новиот претседател на СДСМ, Димитар Ковачевски, но само ако тој се оградел од претходните ставови на владеачката партија кон поранешниот пратеник.
Во гостувањето во утринската емисија на Телма, на прашањето дали би прифатил нова позиција во партијата или во централната власт доколку тоа му биде понудено од страна на идниот мандатар на Владата,тој вели дека најпрво Ковачевски мора да се огради од претходните ставови на раководството на партијата.
- Јас не делувам за да добијам јавна или политичка функција туку делувам во интерес на граѓаните и државата. Мојот политички интерес е многу поголем во однос на државниот и јавниот интерес отколку на политички позиции. Ќе чекам да има оградување на сите претходни ставови на партијата. Ние не можеме да манипулираме со граѓаните. мора да бидеме искрени со грѓаните, и да им објасниме зошто нашата држава 30 години стагнира во исто место, а политичките партии играат пинг-понг со проблемите на лева и десна страна, одговори Димитриевски во студиото.