Мал зрак оптимизам во Ломбардија, први знаци на намалување на заразата
Објавено во: Свет, Корона Вирус 16 Март, 2020
Гувернерот на италијанскиот регион Ломбардија, Атилио Фонтана, каде се
уште е жариштето на коронавирусот, со мала доза на оптимизам изјави дека
епидемијата на Ковид-19 од денеска почнала да покажува први знаци
на евентуално намалување.
И покрај големиот број на смртни случаи, тој наведе дека има причина за оптимизам, бидејќи новите случаи на зараза почнале да се покажуваат побавно.
– Се уште не сум ја видел официјалната статистика, но можеме да видиме мали чекори напред. Порастот на нови случаи не е толку голем како пред два, три дена. Се надеваме дека ова е почеток на пресвртот, изјави Фонтана, наведувајќи дека промената ќе биде забележана во следните неколку денови.
Во регионот, каде се наоѓа и финансискиот центар Милано, досега починаа 1.218 луѓе, а само ноќта помеѓу саботата и неделата регистрирани се 252 смртни случаи.
Истовремено, италијанскиот премиер Џузепе Конте во интервју за „Кориере дела Сера“ изјави дела епидемијата се влошува ширум Италија и дека начниците тврдат дека епидемијата се уште не го достигнала врвот. Според него,следните недели се ризични