Малески за Фактор: Голем ден за нас, Балканот ќе внесе посебна енергија во ЕУ

Добивај вести на Viber

Сепак и покрај се, ова е голем ден за нашата држава, вели за Фактор професорот Денко Малески, поранешен министер за надворешни работи, дипломат. Во услови на своевидна психолошка криза, пандемија, раст на бројот на заболени, вели Малески, моментотот на соопштената одлука е тежок. Долгорочно нема дилеми одлуката има исклучително значање за Македонија и е една од најважните одлуки во историјата на државата.

„Моментот е тежок и за поединците и за колективите односно за државите. Во светлината на опасноста за здравјето секако се менува вредносната скала. Она што било важно до вчера, сега има помала важност, многу помала од здравјето. Сепак долгорочно ова е многу важен ден за Македонија, вели Малески.

Додава дека она на што не научи епидемијата, сите нас во Европа е дека сите сме во еден чамец, каде што впрочем е и целиот свет.

„Нашиот пат е преку обеднување на државните граници. Ние од Блаканот ќе дадеме нова енергија во тој наднационален проект кој секако почна да се реализира по една голема трагедија односно по Втората светска војна, вели професорот.

Смета дека Македонија ќе има значајни придобивки.

„Ако ова нешто ни кажува е дека Европа е недоволна сама за себе а камоли само за националните држави. Сама нема да ги решава сите проблеми на земјите оти има многу проблеми во овојмилениум. Оваа епдиемија на научи дека во иднина имаме други приоритети и дека во треба да обрнеме поголемо вниамние на тие предизвици. За нас е е почеток и интеграција во еден фантастичен проект - во Унијата каде нациите пренесуваат дел од својот суверинитет за да можат поуспешно да се справат со нивните предизвици, вели Малески.

А.Т.