„Маркетинг, брендирање, иновации – Холандски програми за поддршка на МСП во Македонија

Добивај вести на Viber

Сојузот на стопански комори на Македонија (ССК), во партнерство со Бизнис Центарот на Скопски Плански Регион организираат настан на тема: „Маркетинг, брендирање, иновации - Холански програми за поддршка на мали и средни претпријатија (МСП) во Македонија“.

На настанот ќе биде извршена презентација на Холандските програми за поддршка на МСП во Македонија и ќе бидат презентирани кредитните линии за енергетска ефикасност на ЕБОР WEB Seff 2  како и УСАИД финансиската поддршка за иновации во МСП.

 Исто така, ќе биде спроведен и едукативен дел за вработените во МСП за маркетинг и брендирање:

·         Како да се создаде вредност за потенцијалниот потрошувач, преку градење препознатлив бренд и преку градење на позитивна и долгорочна профитабилна релација со потрошувачите;

·         Маркетинг комуникацијата во современото опкружување треба да биде уникатна,  диференцирана и релевантна за целната група;

 На настанот пред компаниите членови на ССК, ќе се обрати г. Митко Алексов, извршен директор на ССК и г-ѓа Розалија Карчицка Василевска, проектен Координатор на Бизнис Центарот на Скопски Плански Регион.

 Сојузот на стопански комори на Македонија и Советот за развој на Скопски Плански Регион, потпишаа меморандум за соработка на 3 март годинава во насока на развивање поволни услови за работа на бизнис секторот во општините, зголемување на инвестициите, ефикасност на администрацијата, соодветна инфраструктура и партнерство со индустријата како клучни за подобрување на деловно опкружување.