Медведев подготвува пеколен план

Добивај вести на Viber

Русија прогласи „целосна забрана“ на увозот на повеќето прехрамбени производи од Европа, Сад поради нивните санкции, рече денеска рускиот премиер Димитриј Медведев на состанокот на Владата. Забраната се однесува на говедското месо, свинското, преработка и месна преработка, риба и останати плодови од морето, сирење, мелко и други млечни производи, овошје, зеленчук и орести производи од САД, ЕУ, Австралија, Канада и Норвешка, се наведува во одлуката објавена на интернет страната на руската влада. „Во санкциите нема ништо добро и ова не беше лесна одлука, но ние моравме да го направиме ова“ рече Медведев. Забраната стапува на сила на 7 август и ќе трае година дена. Рускиот премиер Димитриј Медведев кажа дека Москва ги разгледува забраните за летање на европските и американските авиокомпании, а засега се одлучи само за забрана на користење на нејзниот воздушен простор за украинските превозници. Руските медиуми во вторникот пренесоа како Русија, како одговор на санкциите на Европската Унија поради кризата во Украина, разгледува воведување на ограничување или забрана на европските и американските авиокомпании за користење на нејзиниот воздушен простор што би довело до зголемување на цената на нивните летови до азиските одредишта.

Рускиот нискобуџетен превозник  „Доброљот“, кој е во сопственост на руската Аерофлот, мораше минатата седмица да ги откаже сите летови откако договорот за изнајмување на авиони е откажан поради санкциите на ЕУ против авиопревозниците кои летаат над Крим.

Медведев истовремено порача дека санкциите можа да се отповикаат во случај партнерите да покажат конструктивен пристап во поглед на санкциите против Русија, пренесуваат светските агенции.