МЕПСО ќе плаќа најевтина струја! Кој e снабдувачот со струја кој даде понуда што не се одбива?
Објавено во: Економија 23 Јануари, 2025
ЕСМ Продажба даде братска понуда за да го снабдува со струја македонскиот државен електропреносен систем-оператор МЕПСО. ЕСМ Продажба ќе наплаќа само 3,45 отсто провизија за струјата што ќе се фактурира по цена на берзата ХУПЕКС. Ова е најниската провизија досега што фирма снабдувач ја дала на клиент што купува електрична енергија на тендер. Со овој потег ЕСМ Продажба, фирма- ќерка на државниот производител ЕСМ, го превзеде приматот за снабдувач што дал најдобра односно најниска понуда за услугата снабдување со струја од почеток на 2024 година досега. Ова за нив е најдобрата, а воедно и бесплатна реклама
МЕПСО склучи договор за набавка на електрична енергија за своите потреби и за цела година ќе плати до 1,77 милиони евра. Новина е тоа што на овој тендер за снабдување со електрична енергија е постигната најниската провизија за услугата што ќе ја дава ЕСМ Продажба компанијата што го доби тендерот за снабдување со електрична енергија на македонскиот систем-оператор.
ЕСМ Продажба го доби тендерот за снабдување со провизија од 3,45 отсто кои ќе ги наплати од фактурите на струја за МЕПСО. Како и досега референтна цена за мегаватчас е цената на електрична енергија ќе се утврдува според цената на енергетската берза ХУПЕКС во Унгарија.
Според јавно достапниот договор за снабдување со електрична енергија меѓу МЕПСО и ЕСМ Продажба, систем-операторот за снабдување со струја на својата дирекција и трафостаниците ширум земјава планира да потроши околу 5.500 мегаватчасови електрична енергија.
Повеќе детали за овој договор кој со вклучен ДДВ вреди 1,77 милиони евра има на следниот линк https://e-nabavki.gov.mk/PublicAccess/home.aspx#/dossie-acpp/aab16e90-27fa-4696-b816-c73cca210708
Тука мора да се истакне и фактот што конкурент на тендерот на ЕСМ Продажба била приватната компанија за снабдување со електрична енергија РЕС.
А токму РЕС досега го држеше приматот за најниска провизија која беше дадена на тендерот што оваа компанија го доби за снабдување со струја на Министерството за финансии. Повеќе детали на договорот на кој РЕС го доби тендерот со 3,9 отсто провизија може да прочитате на следниот линк https://faktor.mk/koj-prodava-najevtina-struja-na-drzavni-tenderi-vakva-ponuda-nikoj-ne-moze-da-odbie
На тендерот за снабдување со струја на МЕПСО конкурирале само овие две компании.
Н.С.
Можеби ќе ве интересира
ТАВ Македонија и Меѓународниот Аеродром Скопје не продаваат изгубен багаж
СО ГОДИНИ БАРАА БЕНЕФИЦИРАН СТАЖ, А СЕГА КОНЕЧНО И ГО ДОБИЈА - за нив важи и посебна погодност, ќе примаат по 1.500 евра надомест додека не го исполнат старосниот услов
КАДЕ Е МАКЕДОНИЈА ВО ТРАМПОВАТА ПРИКАЗНА? Антони Пешев открива во Бизнис муабети на Фактор
Самарџиоски во „Бизнис-клуб“: „Инфраструктурата е основа за развој, а регионалната соработка е клучна за напредокот на Македонија“
ВО ЗЕЛКАТА НЕМАЛО ТАКОВ ПРЕПАРАТ?: Пратката била вратена од Хрватска и тестирана, наодите биле негативни
КОЈА Е ПРВАТА СЛОВЕНЕЧКА КОМПАНИЈА КОЈА ДОСТИГНА ВРЕДНОСТ ОД ПЕТ МИЛИЈАРДИ ЕВРА - инвеститорите сѐ повеќе вложуваат во нејзините акции
„ЗА СТРУЈА ЌЕ СЕ ВОДАТ ВОЈНИ“: Влегуваме во сериозна енергетска криза, предупредуваат експертите - дали ИТ е поважна од планетата?!
КОЛКАВ РЕГРЕС ЗА ГОДИШЕН ОДМОР ДОБИВТЕ ЛАНИ, ДАЛИ ГАЗДИТЕ БЕА ЧКРТИ ИЛИ ДАРЕЖЛИВИ - бројките ги има УЈП, а еве го и просекот за минатата година
Владимир Пешевски и Трајко Вељаноски станаа владини советници на Мицкоски
