15 Август, 2020
0.0336

МЕРКИТЕ ГИ ПОЧИТУВАВМЕ, НО НЕ МОЖЕТЕ ДА ГИ КОНТРОЛИРАТЕ СИТЕ ВРАБОТЕНИ И НА ПАУЗА И ВО ТОАЛЕТ - Димитров за заболените во „Мода“ Свети Николе

Објавено во: Економија 09 Јули, 2020

Во конфекцијата „Мода“ од Свети Николе има 12 заболени од коронавирусот, потврди за Фактор сопственикот на компанијата, Ангел Димитров.

Денеска таа информација ја сподели и градоначалникот на општина Свети Николе, Сашо Велковски, кој на пресконференција кажа дека во оваа општина се регистрирани 50 заболени, а 75 лица се во самоизолација.

Според Димитров, во „Мода“ Свети Николе засега се заразени 12 пациенти, и сите се од иста смена.

„Но, ќе видиме што ќе покажат резултатите од тестирањата што ги направивме, од кои дел треба да пристигнат денеска, а дел во текот на утрешниот ден. Ние на наш трошок направивме тестирања на вкупно 210 вработени, и тоа цела прва смена од едната фабрика, односно 190 вработени, плус неколкумина вработени од другата смена“, вели Димитров за Фактор. 

Тој објаснува дека зависно од тоа што ќе покажат резултатите, органите на управување на компанијата ќе донесат натамошни одлуки, односно дали ќе биде затворена цела смена од едната фабрика, или ќе се преземаат и други мерки.

„Кога од Владата беше кажано дека пикот на вирусот ќе биде на крајот на април и беше препорачано вработените да ги користат годишните одмори, ние две недели не работевме и сите вработени ги користеа годишните одмори. Сега зависно од резултатите, ќе видиме какви мерки ќе бидеме принудени да донесеме“, објаснува Димитров. 

Според него, главен проблем кој довел до оваа ситуација, е што на матичните лекари во Свети Николе прво им биле потребни два дена за да им закажат тестирање на сомнителните вработени, а потоа уште пет дена се чекало на резултатите. Тоа, според него, е долг период на чекање, а доколку тој бил пократок, ситуцаијата понавремено ќе се превенирала.

Димитров за Фактор е дециден дека во фабриката уште од самиот старт на епидемијата со коронавирусот, биле преземени сите мерки и препораки на заштита, онака како што побараа здравствените власти, и тоа и во погоните, и во кујната што ја користат вработените.

„Меѓу сите машини се одржува препорачаното растојание и вработените носат заштитни маски. Но, доколку таа вработена, на пример, појде до тоалет, или на пауза, и таму разговара со друга вработена без да ја почитува социјалната дистанца, ние тоа не можеме да го контролираме. Тоа значи дека и покрај почитување на мерките од страна на компанијата, доколку дел од вработените не се совесни, не може да се спречи оваа појава“, вели Димитров. 

Сопственикот на „Мода“ Свети Николе е разочаран од големиот број, како што вели, дезинформации кои се шират на социјалните мрежи, дека коронавирусот не постои, но и од наглото олабавување на граѓаните, па и на вработените во фабриката, откако Владата ги олабави рестриктивните мерки. 

Инаку, сите 12 позитивни во фабриката се со многу лесна клиничка слика, и сите се на домашно лекување, односно ниту еден не е во болница.

„Тоа и ги охрабрило да не ги почитуваат мерките. Еден вработен уште пред три дена имал лесни симптоми, но не бил сигуреен што е, мислел не е сериозно и ќе го помине од нога. Од тие причини и доаѓа до пренесувањето“, објаснува Димитров.

Инаку, во „Мода“ Свети Николе, има две фабрики што работат по две смени, со вкупно 730 работници.

Н.Н.Ф.

Можеби ќе ве интересира

Димитар Апасиев: Против наплаќања на провизии од банките, како во Србија

Димитар Апасиев: Против наплаќања на провизии од банките, како во Србија

Бранимир Јовановиќ: Доколку знаела за Еуростандард, Нина Ангеловска не смеела да го повлекува депозитот

Бранимир Јовановиќ: Доколку знаела за Еуростандард, Нина Ангеловска не смеела да го повлекува депозитот

Денеска е последен ден за трошење на платежните картички, остануваат многу неподигнати

Денеска е последен ден за трошење на платежните картички, остануваат многу неподигнати

Како ќе се спаси германската економија?

Како ќе се спаси германската економија?

Македонија е најевтина земја во Европа - Британците би заштедиле ако се преселат овде

Македонија е најевтина земја во Европа - Британците би заштедиле ако се преселат овде

Костовски: Точно е дека како групација имаме долг од пет милиони евра кон Комерцијална банка - под хипотека се зградата, Поштенска банка и Палата Македонија

Костовски: Точно е дека како групација имаме долг од пет милиони евра кон Комерцијална банка - под хипотека се зградата, Поштенска банка и Палата Македонија

Сопственикот на банката обвинува: поранешниот директор Петковски го натера вујко му да формира фирма со пет илјади евра, а потоа му даде кредит од 1,2 милиони евра

Сопственикот на банката обвинува: поранешниот директор Петковски го натера вујко му да формира фирма со пет илјади евра, а потоа му даде кредит од 1,2 милиони евра

КОМПАНИЈА ФОРМИРАНА ВО ДУБАИ САКАЛА ДА ЈА КУПИ ЕУРОСТАНДАРД - Костовски ќе вложел и свои 2,5 милиони евра само да се спаси банката

КОМПАНИЈА ФОРМИРАНА ВО ДУБАИ САКАЛА ДА ЈА КУПИ ЕУРОСТАНДАРД - Костовски ќе вложел и свои 2,5 милиони евра само да се спаси банката

Тонат економиите на три европски земји поради пандемијата

Тонат економиите на три европски земји поради пандемијата