Метрото во Солун се гради подолго од автопатот Кичево - Охрид, поскапе за една третина
Објавено во: Балкан 09 Октомври, 2023 13:25
Повеќе од 390 милиони евра, или повеќе од една третина како дополнителен трошок, – чини засега изградбата на солунското метро, објави денеска „Катимерини“.
„Сметката“ постојано расте, преку поднесување нови барања од конзорциумот што го презеде проектот. Се поверојатно е по петти пат да биде продолжен рокот преку нов анкес договор.
Новиот таргет е крајот на есента 2024 година. Договорот за изградба на главната линија на солунското метро (13 станици, 9,6 км траса) беше потпишан во март 2006 година. Испораката на проектот беше закажана за октомври 2012 година. Оттогаш проектот доби четири продолжувања на рокот: на 25 ноември 2016 година, 30 ноември 2020 година, 29 април 2023 година и последниот за 30 декември 2023 година.
Во изминатите години, почна да расте и буџетот на проектот. Почетниот буџет беше 1,15 милијарди евра (сите износи вклучуваат ДДВ). Државата преку „Атико метро“ (сега „Хеленик метро“) на изведувачот му исплатила дополнителни 329,8 милиони евра обештетување (преку низа арбитражни судски одлуки) и 36,5 милиони евра „позитивна отштета“ (поради доцнење). Истовремено, „скокна“ и буџетот за археолошките работи, преку пет дополнителни договори, оптоварени за 177,5 милиони евра. Конечно треба да се додаде и договорот за набавка на уште 15 возови, со буџет од 176,08 милиони евра.
Така, вкупните трошоци на проектот сега изнесуваат 1.547.409.000 евра (односно 33,74% повеќе од неговиот првичен буџет), без да се земат тука предвид уште две категории на трошоци: Прво, трошоците за ангажирање надворешни консултанти, експропријации, мрежни заобиколувања и слични трошоци кои се веќе направени. Второ, неподмирените побарувања на изведувачот. Според информациите, се чека значително побарување на конзорциумот (од редот од 20 милиони евра) во врска со преместување на една од станиците.
Сепак, вреди да се напомене дека минатата среда, при потпишувањето на договорот за работа на солунското метро, менаџерите на „Хеленик метро“ најавија уште едно продолжување на проектот. Како што навестија, главната линија на метрото ќе биде пуштена во употреба до ноември 2024.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
Нафтената компанија од Абу Даби со понудата за купување на рускиот удел во НИС
ПОВТОРНО БЛОКАДА ВО ГРЦИЈА: Еве кој период ќе бидат затворени граничните премини
Албанија ќе отвори уште 20 прифатни центри за мигранти
АВИОН ИЗЛЕТА ОД ПИСТАТА ВО ИСТАНБУЛ - патниците се безбедни, но пистата останува затворена (ВИДЕО)
ХАОС НА КРИТ И НИЗ ЦЕЛА ГРЦИЈА: Земјоделците блокираат аеродроми, патишта и пристаништа, еден полицаец е повреден
„ДУРИ 51 МЕСТО ВО СРБИЈА НЕМААТ АЛТЕРНАТИВА“: Хандановиќ за бензинските пумпи на НИС
(ВИДЕО) Лудиот план на Кина на Балканот: Пробивање канал низ Србија и Македонија
Планирате да одите во Грција, но се мислите поради блокадите: Еве како да стигнете до таму без пречки!
(ВИДЕО) КАКО ИЗГЛЕДААТ БЛОКАДИТЕ НА ГРЧКИТЕ ЗЕМЈОДЕЛЦИ: Денеска Солун остана и без такси
