Мицкоски: Од 230 милиони евра за кризата, украдени се 50
Објавено во: Македонија 19 Јануари, 2023
Лидерот на ВМРО-ДПМНЕ, Христијан Мицкоски, кој денеска присуствуваше на спуштањето на светиот крст во водите на Охридското Езеро, пред медиумите рече, дека од потрошени 230 милиони евра од буџетот изминатата година за пребродување на енергетската криза, според негови проценки, украдени се 50 милиони евра.
- 230 милиони евра народни пари потроши минатата година ЕЛЕМ. Од тие сигурно преку 50 милиони евра завршија во приватни џебови преку тендери во четири очи. Акумулациите се на историски најниско ниво, како никогаш до сега. Само за последните месец и половина од минатата година увезоа струја за 50 милиони евра и ние зборуваме сега, односно СДСМ, зборува за вишоци. Станува збор за најкриминално раководство на ЕЛЕМ до сега и јас ви гарантирам дека тие луѓе сигурно ќе одговараат за тоа што и го праватна Македонија и на македонскиот народ, рече Мицкоски во Охрид.
Ова претседателот на најголемата опозициска партија го изјави како одговор на новинарското барање да даде коментар за ноќните вишоци кои ЕСМ ги продава од сопственото производство на електрична енергија.