Мицкоски за односите со Бугарија: Доста е веќе од понижување
Објавено во: Македонија 16 Декември, 2021
Претседателот на ВМРО-ДПМНЕ, Христијан Мицкоски вели дека треба да престанеме со коленичење кон Бугарија.
Тој денеска се сретна со лидерот на ДУИ, Али Ахмети.
„Треба да покажеме карактер и треба да се вложиме максимално сите за да го покажеме тој карактер. Тоа е мојата порака. Доста е веќе од понижување, доста е од срамови, народот е фрустриран. Многу остапки направи оваа 30 годишна независност, а всушност уште сме во предворјето и не можеме да го почнеме тој процес на преговори“, рече Мицкоски.
Зборувале и за предвремените парламентарни избори.
Бугарија пак бара гаранции од Македонија, и ова го соопшти бугарскиот претседател Румен Радев.