Мијалков бара да му се врати пасошот за да оди на операција
Објавено во: Македонија 26 Јули, 2019
Сашо Мијалков бара од судот да му го врати пасошот на поранешниот директор на УБК за да оди да се лекува во странство, бидејќи во моментов тоа не е можно да го направи поради мерката за претпазливост која му е со важење за случајот „Титаник 2, а за тоа однел и обемна медицинска документација во СЈО, објави „Независен“.
Според еден од адвокатите на Мијалков, тој имал закажано операција на хранопроводот во странство, но обвинителката Фатиме Фетаи проценила дека нема доволно аргументи и СЈО испратило негативен одговор до Кривичен суд.
„Има закажано операција на хранопровод на 14 август. Таа операција не се прави кај нас и има известување од Клиниката дека такви операции кај нас не се прават туку во странство“, изјавил адвокатот Љупчо Шврговски.