„Милкооп“ – прва кооператива за трговија со млеко

Добивај вести на Viber

За подобро искористување на потенцијалите во примарното производство на млеко, преку здружување на фармерите од неодамна функционира и првата кооператива за млеко, односно за трговија со млеко „Милкоп“, соопшти кооперативата. Формирана е од фармери, со цел нивно подобро организирање, развој и поголема сигурност во работата. Основана со цел да ги штити интересите на своите членови и кооперанти, сите инвестиции во кооперативата треба да придонесат кон повисок квалитет на млекото, а со тоа и подобри откупни цени и позиција на кооперативата во синџирот на набавки. За своите кооперанти „Милкоп“ ќе понуда добра откупна цена, а на фармерите ќе им биде понудена квалитетна добиточна храна на одложено плаќање по прифатлива цена, обуки за хигиена на фарма и исхрана на кравите, правни совети, ветеринарни совети, проверка на квалитетот на млекото и помош околу обезбедувањето на субвенции од страна на државата. Млекото ќе се продава на оние млекопреработувачи кои ќе обезбедат најдобри услови за откуп врз основа реални економски параметри. „Милкооп“ ќе функционира согласно со националната стратегија за развој на производството на квалитетно млеко, ќе работи според законските определби и соработува со сите надлежни институции во државата. Поддржана е од ФФРМ, а веќе има остварено средби и со претставници од Министерството за земјоделство.