Министерот Спасовски на низа средби со амбасадори

Добивај вести на Viber

Министерот за внатрешни работи Оливер Спасовски денеска одржа низа работни средби со амбасадорот на Израел и италијанскиот амбасадор како и со Шефот на Одделот за сигурност и поддршка на заедници на ОБСЕ.

На средбата со амбасадорот на Израел Н.Е. Дан Орјан Спасовски му изразил сочство  и длабоко жалење за смртта на поранешниот претседател Шимон Перес истакнувајќи ја  улогата на поранешниот претседател како миротворец и голем заложник за мирот и стабилноста во светот.

Двајцата функционери на средбата ја потенцирале досегашната одлична соработка помеѓу двете земји и изразле уверување за нејзино продолжување и продлабочување.

Министерот Спасовски и амбасадорот Орјан разговараа и за претстојните парламентарни избори и улогата на МВР во нивната подготовка и спроведување.  Министерот Спасовски потенцираше дека е неопходно изборите да бидат фер и демократски, а идната Влада да биде составена од чесни и некорумпирани политичари. Амбасадорот Орјан истакна дека Државата Израел ќе соработува со владата која ќе биде избрана на демократски и чесни избори.  

На средбата пак со италијснкиот амбасадор Карло Ромео Спасовски  му упатил честитки на амбасадорот Ромео за назначувањето, со желба во периодот на неговиот мандат да се продлабочи соработката помеѓу двете држави и се заблагодари на поддршката од Италијанската Република во напорите за надминување на политичката криза во Република Македонија. 

Амбасадорот Ромео ја нагласил добрата соработка со Република Македонија и изрази подготвеност таа  и натаму да се развива со ист интензитет. 

Тој рекол дека Италија како држава пријател ќе продолжи да ја поддржува Република Македонија во интегративните процеси во ЕУ и НАТО како и во справувањето со предизвикот за организирање на фер и демократски избори и во креирањето на новите реформи во државата бидејќи граѓаните го очекуваат тоа.