Добивај вести на Viber
Министерството за транспорт и врски распиша објава за отуѓување на градежно земјиште сопственост на Република Македонија по пат на електронско јавно наддавање, наменето за изградба на објекти со комерцијална и деловна намена во општина Центар. Земјиштето е со вкупна површина од 5.675 м2 и дозволена висина до венец од 18 метри. Станува збор за локацијата на која што во моментот се наоѓаат просториите на Акционерското друштво за изградба и стопанисување со станбен и деловен простор и целта е преку реализирање на ова јавно наддавање, ова акционерско друштво да добие нови, современи и репрезентативни простории во кои истото ќе функционира. Најповолниот понудувач, по изградба на објектите предвидени со Деталниот урбанистички план „Дебар Маало“ е должен 4.000 м2 од вкупно изградената површина да ги пренесе во сопственост на Акционерското друштво за изградба и стопанисување со станбен и деловен простор и тоа деловниот простор да се наоѓа на приземје прв или втор кат од изградените објекти. Почетна цена на електронското јавно наддавање изнесува 6.000 денари од метар квадратен. Додека пријавите може да се достават 27.12.2012 за учество на јавното наддавање.