Миноски: Ребалансот ќе биде одговор на ефектите од политичката криза

Добивај вести на Viber

Министерот за финансии, Кирил Миноски објасни дека ребалансот на буџетот и издавањето еврообврзница се мерки кои ќе бидат одговор на ефектите од политичката криза.

За ребалансот, Миноски вели дека и покрај поставените економски политики, политичката криза почна да ги дава резултатите.  Ги смирува граѓаните објаснувајќи дека платите и пензиите се сигурни.

„Ребалансот ќе биде одговор на ефектите од политичката криза, односно реакција на забавувањето на растот преку поддршка на приватната потрошувачка и јавните инвестиции. Капиталните инвестиции остануваат на високо ниво, повисоко од минатата година. Продолжуваме со спроведување на крупните инфраструктурни проекти. Продолжуваме со изградба на автопатишта, на регионални патишта, локални патишта, со реконструкција на железницата, со изградба на училишта, болници.Согласно веќе воспоставената практика, како и секоја година и оваа ќе се реализираат најавените покачувања на социјалната помош во јули и пензиите во септември“- вели Миноски.

Приходите во државната каса се намалени. Во буџетот има три милијарди денари помалку од планираното и Владата овие пари ги крати од капиталните расходи.

Миноски информира дека Владата му дала мандат на Министерството за финансии да го истражи пазарот за издавање еврообврзница.

Економијата во 2016 година нема да порасне за 4 проценти  туку само за 2,3 проценти.