МИНУСНИ ТЕМПЕРАТУРИ ВО ДЕЛОВИ НА МАКЕДОНИЈА: Каде беше најстудено?
Објавено во: Македонија 12 Ноември, 2023
Температури под нулата се измерени во Берово и на Попова Шапка, а најмногу дожд падна во Маврови Анови.
Најниски теператури се измерени во Берово -2 и на Попова Шапка -1 степен Целзиусов, а најтопло било во Дојран каде се измерени 8 степени. Во Крива Паланка е измерен 1 степен, 2 во Скопје – Петровец, Маврови Анови, Лазарополе и Струмица, 3 Штип, Крушево, 4 Тетово, Битола, Прилеп, Велес, Кавадарци, Демир Капија, Виница, Куманово и во Дебар, 5 во Скопје – Зајчев Рид и во Охрид и 6 во Претор и Гевгелија.
Како што соопштија УХМР, за изминатите 24 часа до 7 часот (во l/m2) најмногу воден талог е наврнат во Маврови Анови 18, 9 во Тетово и Лазарополе, 8 Попова Шапка, 5 Охрид, 4 Дебар, 3 Крушево, 2 Гевгелија, Дојран и 1 во Скопје – Зајчев Рид, Берово, Виница, Претор.
Времето денеска ќе биде променливо облачно, попладне во западните делови, а кон крајот на денот и во текот на ноќта на повеќе места со врнежи од дожд. Пообилни врнежи од дожд ќе има во западните делови.