„МИСЛЕВ ДЕКА ЌЕ УМРАМ“! Застрашувачка снимка од авионот што гори - патниците во паника, чад насекаде околу нив (ВИДЕО)
Објавено во: Свет 02 Јануари, 2024
Патнички авион на Japan Airlines се запали на пистата на аеродромот Ханеда во Токио откако се судри со авион на крајбрежната стража.
Пламенот избувна од прозорците на авионот, за набрзо да го проголта.
Сите 379 патници од летот 516 се евакуирани, а поранешниот пилот тоа го опиша како „чудо“. Сепак, пет од шесте лица во авионот МА722 на крајбрежната стража што се судри со патничкиот авион се водат како исчезнати.
Драматичната снимка од прозорецот на патникот покажува како авионот се движи по пистата, со чад и портокалови светла во близина на крилата. Се слуша силен татнеж од моторот додека авионот забрзува на пистата, а од внатре се слуша звук на аларм.
- Мислев дека ќе умрам - рекол неименуваниот патник во објавата, прикачувајќи видео од чадот во кабината, пренесе Sky News.
„Јапан ерлајнс“ соопшти дека авионот слетал во „Ханеда“ каде потоа се судрил со авион на крајбрежната стража, од кој само едно лице било евакуирано, додека не се знае што се случило со другите пет. Се запали и тој авион, а состојбата на екипажот не е позната, соопшти токиската противпожарна служба.
.
死ぬかと思った pic.twitter.com/S7rDPmyssl
— あ (@alto_maple) January 2, 2024
На снимките објавени на социјалните мрежи се гледа како авионот во пламен се упатува по пистата пред да застане и пожарот драматично пламнал. Тим пожарникари се бореше да го локализира пожарот во авионот, чиј труп беше скршен на два дела, како што се гледа на видеото.
Сите писти на Ханеда, најпрометниот јапонски аеродром, сега се затворени.
- Пред се, треба да кажеме дека бевме сведоци на чудо. Начинот на кој ги извлекоа сите тие патници од авионот е неверојатен. Фактот што екипажот ги извлекол сите патници е чудо – изјавил за Sky News поранешниот пилот Роџер Витфилд.
Првичните снимки од местото на настанот беа исто така застрашувачки.
Фото: Принтскрин/Твитер