МИСТЕРИЈА: Само најблиските знаат како изгледаат ќерките на Путин

Добивај вести на Viber

Ќерките на рускиот претседател Владимир Путин долго време воопшто не се видени во јавноста, а ретко кога во медиумите ќе се појави фотографија потпишана со нивното име од Канцекаријата на Путин стигнува демант - тоа не се тие. Двете ќерки на Путин од бракот со неговата поранешна сопруга Људмила се голема мистерија за јавноста. Сиромашните информации кои се познати за нив ја вклучуваат нивната возраст. Освен тоа, се знае дека постарата ќерка наводно живее во Холандија со своето момче, бизнисменот Јорит Фасен (34) и е дипломиран биолог, додека помладата, исто така наводно е верена за синот на еден јужнокорејски воен функционер. Постарата Марија (29) и помладата Екатерина (28) освен ова се апсолутна енигма за медиумите. До толку што веста дека Марија, по соборувањето на малезискиот авион МХ 17 побегнала со своето момче од Холандија медиумите по грешка ја проследија со фотографија на поранешната мис Порторико. Фотографии од Путин со неговите деца се речиси недостапни за јавноста. На интернет може да се најде само една стара фотографија од 90-тите години на која двете девојчиња се многу мали. „Ќерките на претседателот Путин не се кријат, но се придржуваат до советот од нивниот татко за затворен систем“, соопшти портпаролката на Путин. И воопшто својот приватен живот рускиот претседател го држи во строга тајност, со исклучок информациите за разводот од неговата долгогодишна сопруга Људмила. Во руските медиуми се појавија информации дека тој има уште едено дете, син кој го добил од врската со Алина Кабаева, која се споменува како негова втора сопруга. Но ниту една од овие информации не е официјално потврдена.