Младите кинези веќе не сакаат да работат во фабрика

Забавувањето на кинеската економија се совпаѓа со намалувањето на работната сила и на желбата на Кинезите да се занимаваат со производство , пишува „Financial Times“. Според податоците на ОН од 2000 година, населението на Кина старее. Од 2015 година, кога потенцијалот на работоспособното ќе почне да опаѓа, демографскиот предност на земјата, брзо ќе се претвори во проблем. Поради три децениската политика за правото на семејствата да имаат само по едно дете, бројката на младите меѓу 15 и 29 години веќе се намалува. Освен тоа, токму кај оваа нова генерација се забележува далеку помал ентузијазам за работа во индустрискиот сектор во споредба со нивните родители. Младите Кинези сакаат живот далеку од фабриките и  веќе не се подготвени да се задоволат со долгите часови работа во тешки услови, а незадоволството им се засилува од растечката свест за тоа како живеат богатите им сонародници. Во 2009 година незадоволство доведе до серија самоубиства кои ги принудија работодавачите да ги покачат платите за 20%. Но тоа не го реши проблемот , бидејќи на крајот на септември и почетокот на октомври оваа година на два пати во претпријатија на „Foxconn“ избувнаа сериозни работнички бунтови. Истражувањето на „Financial Times“ на 200 компании кои работат во индустриската област во Кина, покажува дека во септември 30% од работните места биле слободни. За разлика од вработените во производството 225 милиони луѓе, бројот на вработени во услужниот сектор порасна на 290 милиони, а се очекува во следната деценија да продолжи да расте.