Добивај вести на Viber
Меѓународниот монетарен фонд ги додаде еврозоната и Шпанија на листата на земји чија економска нерамнотежа е ризик за светскиот раст , се вели во извештајот објавен вчера и пренесен од Ројтерс .
Од ММФ укажуваат дека Шпанија постигнала напредок во надминувањето на еден од највисоките јавни дефицити во еврозоната со големи намалувања на трошоците и со зголемување на даноците , но јавниот долг продолжува да се зголемува , додека растот останува анемичен .
Еврозоната, за преземање на ударите од тешката криза на националните долгови , е задолжена со висок јавен долг по спасувањето на неколку од помалите земји- членки , вклучувајќи ги Грција и Ирска , се истакнува во документот.
Регионот реализира надворешен вишок , бидејќи земјите во него со високи дефицити се обидоа да ги реформираат нивните економии , но тој само ги прикрива големите разлики во рамките на монетарната унија , се додава во него .
Редовните анализи на ММФ за светските економски дисбаланси и девизните курсеви се појавија како резултат на финансиската криза и рецесијата од 2007-2009 година , кога светските политички сили и дадоа на оваа финансиска институција поголема улога во одржувањето на редот во светската економија .
Во претходниот извештај од 2011 година ММФ ги посочи Кина, Франција , Германија Индија , Јапонија , Велика Британија и САД како земји со значителни дисбаланси . За да помогне за справување со проблемот ММФ ги повика економиите со надворешен трговски суфицит како Кина и Германија да ја поттикнат домашната побарувачка , додека земјите со дефицит , како Велика Британија и некои од земјите со најголеми финансиски проблеми во еврозоната би требало да ја подобрат конкурентноста на меѓународните пазари.
ММФ предупредуваат и дека развиените економии не напрадиве доволно напори за надминување на огромните буџетски дефицити , кои можат да доведат до ранливост во иднина.