ММФ ги прекина преговорите со Атина, биле безнадежни
Објавено во: Балкан, Економија 12 Јуни, 2015
Делегацијата на Меѓународниот монетарен фонд се повлече од преговорите со Грција во Брисел во четвртокот вечерта поради клучните разлики со Атина.
ММФ соопшти дека преговарачите се откажале, откако разговорите достигнале до ќор-сокак, и тие ќе се вратат во Вашингтон. Целата грчка делегација исто така се враќа назад во Атина.
„Топката е во полето на Грција“, изјавил портпаролот на ММФ Гери Рајс. „Има големи разлики меѓу нас и во основните клучни области. Нема никаков напредок во компромис на овие разлики“, коментирал тој, посочувајќи ги реформите на пазарот на трудот и пензиите, даноците и финансиите.
Договор за Грција без ММФ е незамисливо, предупредил претседателот на Еврогрупата Јерун Деиселблум. Тој коментира дека Атина нема друг избор освен да донесе тешки одлуки и да се согласи со барањата на меѓународните кредитори, ако сака да обезбеди средства.
Грција смета дека повлекувањето на претставниците на ММФ од разговорите се смета како притисок над Атина, така и над европските кредитори, изјавил претставник на кабинетот. Грчкиот дипломат Алекос Флаборарис изјавил дека земјата се надева на договор на 18 јуни.
Германската канцеларка Ангела Меркел ја повика Грција и нејзините кредитори да ги продолжат обидите за постигнување на согласност, пренесоа агенциите. „Ако постои желба, постои и начин, но волјата мора да дојде од сите страни“ изјавил таа.