ММФ: Не ги надминавме разликите со Грција
Објавено во: Балкан, Економија 11 Јуни, 2015
"Грција и нејзините кредитори не постигнаа напредок за решавање на разликите", соопшти Меѓународниот монетарен фонд (ММФ).
Неколку часа откако грчкиот премиер Алексис Ципрас оствари разговори со германската канцеларка Ангела Меркел и францускиот лидер Франсоа Оланд во врска со евентуалниот нов спасувачки план, ММФ потврди дека големите разлики не беа надминати.
"Се уште има големи разлики меѓу нас во повеќето клучни области", изјави портпаролот на ММФ Џери Рајс. "Нема изгледи овие разлики да се надминат наскоро. Значи остануваме подалеку од договор", изјави тој.
Во меѓувреме, грчкиот премиер Алексис Ципрас објави по состанокот со шефот на ЕК Жан-Клод Јункер, дека разликите остануваат.
"Постојат сериозни бездни меѓу Грција и доверителите за програмата со реформи на Атина", изјави тој по вториот круг преговори, кој заврши без напредок.
"Ние се уште имаме сериозни разлики. Работиме за да можеме да ги надминеме, особено оние по фискални и финансиски прашања", рече уште премиерот.
Извор од ЕК го утврдија двочасовниот состанок меѓу двајцата како "важен, пријателски и конструктивен". Ципрас и Јункер се договориле да останат во близок контакт во наредните денови.
Извор од една од делегациите, чие име не се именува, изјавил за ТАСС дека преговорите меѓу Грција и доверителите за деблокирање на помошта се во "ќор-сокак".
Нови разговори се предвидени за почетокот на следната недела.