ММФ: Централните банки да ја ублажат монетарната политика
Објавено во: Економија 13 Октомври, 2012
Централните банки во Европа, Сад и јапонија треба да ја ублажат монетарната политика, бидејќи таквите усогласени активности ќе овозможат стабилизирање на светските финансиски пазари и економијата во целина,стои во соопштението објавено денеска на Меѓународниот монетарен фонд (ММФ) во Токио.
Постигнат е договор меѓу земјите членки на ММФ за преземање усогласени дејствија за справување со негативните трендови во светската економија. Тие изразија надеж дека заедничките активности против ширењето на должничката криза во еврозоната, ќе бидат успешно исполнети.
- Растот на светската економија е забавен и продолжува опасноста од постоење на опаѓачки трендови. Треба одлучно да се дејстува со цел да се стави крај на негативните пресврти и да се врати светската економија на патот на силен, одржлив и балансиран раст, се наведува во соопштението.
Според соопштението потребно е активирање на пакетот реформи со кои се прошируваат правата на голем број земји во ММФ. Реформите треба да ја зајакнат улогата на земјите во развој и земјите од БРИКС (Бразил, Русија, Индија, Кина и Јужна Африка), кои остваруваат најбрз економски раст во светот.
На дводневната седница на раководните органи на ММФ и Светската банка во Токио учествуваат претставници од 188 земји и територии.
Можеби ќе ве интересира
„ЌЕ ГЛЕДАМЕ СЕКОЈ ДЕН КАКО ПРОПАЃА ПО ЕДНА БАНКА“:Милијардер има застрашувачки предвидувања за светската економија
РАСТ НА ТУРИСТИТЕ ВО КИНА - се повеќе се бараат услугите за изнајмување автомобили
KOJA E MИНИМАЛНАТА ПЛАТА ЗА КОЈА БИ РАБОТЕЛЕ: Што кога на интервју за работа ќе ви го постават ова прашање?
ПОРАДИ ЕНОРМНА ПОБАРУВАЧКА ОД РУРАЛНО ВО БИЗНИС СЕЛО - растечката индустрија на перики поттикна промени во источна Кина
ТОП 5: Продадоа најмногу струја во Македонија, двајца трговци се новоетаблирани од Албанија
КЕЛНЕРИ ВО ХРВАТСКА: Реална ли е платата од 2.000 евра?
НЕВРАБОТЕНОСТ ВО ЕУ: Koи земји се со најниска стапка?
