МНОГУ ПАЦИЕНТИ НЕМА ДА ГО ПРЕЖИВЕАТ ЧЕКАЊЕТО: СЗО алармира дека во болницата „Ал Акса“ се случува масакр

Светската здравствена организација (СЗО) ја посети болницата „Ал Акса“, каде голем број повредени луѓе беа пренесени ноќеска по нападите во центарот на Газа, вклучително и во близина на бегалскиот камп „Магази“.

Генералниот секретар на Светската здравствена организација (СЗО), Тедрос Аданом Гебрејесус, на платформата „Икс“ напиша дека тимот на СЗО слушнал застрашувачки извештаи.

„Едно дете го загуби целото семејство во напад на кампот. Медицинска сестра во болницата ја претрпе истата загуба. Здравствениот персонал очајнички се обидувала спаси 9-годишно момче, кое се здобило со тешки повреди на главата откако било погодено од шрапнели и остатоци од експлозија додека минувало на патот. Лекарите ни рекоа дека неговите повреди се толку сериозни што нема да преживее. Болницата прима многу повеќе пациенти отколку што може да издржи нејзиниот капацитет и персонал. Многумина нема да го преживеат чекањето. Моментално работат пет операциони сали во болницата, но тоа не е доволно“, напиша тој.

Според него, СЗО е крајно загрижена поради неподносливиот притисок нанесен на неколкуте болници низ Газа кои остануваат отворени. Во Газа загинаа над 20.000 Палестинци. 

„Влошувањето на палестинско-израелскиот конфликт требаше да го натера Нетанјаху да поднесе оставка“, изјави лидерот на израелската опозиција и поранешен премиер Јаир Лапид, истакнувајќи дека не му верува на актуелниот премиер.

Oд 7 октомври наваму, Израел е во војна со палестинската терористичка група Хамас која нападна во јужен Израел, уби над 1.200 цивили, но и странци. Во Газа, терористите однесоа заложници, Израелци и странски државјани. 

foto EPA-EFE/MOHAMMED SABER