МНОГУ СКОРО: Холандија ќе ги испорача првите Ф-16 на Украина
Објавено во: Свет 24 Декември, 2023
Холандија ќе ги испорача првите Ф-16 авиони на Украина многу скоро.
„Украина најверојатно ќе ја добие својата прва испорака на напредни Ф-16 во следните неколку дена“, му кажал холандскиот премиер Марк Руте на претседателот Володимир Зеленски во телефонски разговор.
Рута самиот ја потврди информацијата.
„Денеска го информирав претседателот Зеленски за одлуката на нашата влада да ги подготви првите 18 борбени авиони Ф-16 за испорака во Украина“, напиша Руте доцна на 23 декември во објава на мрежата Х порано позната како Твитер.
Холандскиот премиер кажа дека „испораката на Ф-16 е еден од најважните елементи на договорот за воена поддршка на Украина“. САД најавија дека заедно со Данска и Холандија ќе ја предводат коалицијата и ќе помогнат во организирањето на донацијата на авиони, плановите за нивно одржување и обуката на пилоти.
Вратите на НАТО и на ЕУ се повеќе се отвораат за членство на Украина. Зборовите на генералниот секретар на НАТО, Јенс Столтенберг за „стратешкиот пораз“ на Русија во војната против Украина укажуваат на претстојните промени во глобалната безбедносна динамика.