МНР испрати економски промотори во Чикаго и Ријад со политички бекграунд

Добивај вести на Viber

Министерството за надворешни рабооти и трговија назначи досега двајца специјални пратеници за економска прoмоција вo странствo, но и двајцата сo пoлитички бекграунд.

Заради економска прмоција и инвестиции, во Чикагo е испратен Петрит Муслиу, а во Ријад, Саудиска Арабија, ќе оди Салим Сулејмани, кој оди таму со дипломатско звање Министер советник.

Салим Сулејмани во мај објави дека поднесува оставка од сите функции во Алијансата за Албанците, предводена од Арбен Таравари, како и од функцијата пратеник во Собранието. Како причина за оставката, Сулејмани ги наведе моралната, професионалната и политичката одговорност. Тој по професија е теолог кој служел како муфтија во Струга.

Во објава на социјалната мрежа Фејсбук, Сулејмани остро го критикуваше неодамнешното приближување на неговата партија кон Демократската унија за интеграција (ДУИ), особено во контекст на претстојните локални избори. Според редоследот на кандидатската листа од последните парламентарни избори, на местото на Сулејмани во пратеничките клупи седна Валбона Адили Емини од Движењето Беса. Алијанса на Албанците тој период излезе од власта, а лидерот на партијата Арбен Таравари поднесе оставка од фунцкијата министер за здравство.

За Петрит Муслиу, синот на аналитичарот Алберт Муслиу, се дозна дури во 2022 дека е испратен како генерален конзул во Чикаго, иако бил предложен уште на 20 декември 2019,. Претходно работно бил ангажиран како програмски менаџер и советник во Владата. Тој е дипломиран правник и магистар по меѓународно право.Претходниот министер за надворешни работи Бујар Османи тогаш рече дека одлуката да биде испратен во Чикаго не била обелоденета јавно, затоа што се чекал агреман од земјата во која се испраќа како дипломат. Актуелната власт како тогашна опозиција критикуваше дека Муслиу бил избран за генерален конзул без никакви критериуми и дека му е шура на тогашниот функцинер од СДСМ, Дарко Каевски.

Понатаму, да обезбедуваат информации за пристап до меѓународни пазари заради олеснување на извозот и изнаоѓање странски деловни партнери; да вршат активности за промоција на извозот и поврзување на македонските извозници со странски купувачи; - да обезбедат информативни услуги на странски компании за извозните потенцијали на РСМ; да учествуваат во организирање, учество и поддршка на меѓународни саемски манифестации, семинари и деловни настани на македонските извозници; да учествуваат во вршење на маркетинг истражувања за пристап на странски пазари, како и истражувања фокусирани на одредени сектори и региони, итн“.

Не е познато колкави ќе бидат птребните трошоци за активностите на овие специјални претставници во странство. И претходните влади испраќаа во светските економски центри свои прмотори во различни форми.

А.К.