Мобилните оператори добија одобренија за 4G фрекфенции

Добивај вести на Viber

Агенцијата за електронски комуникации денеска ги додели лиценците за нудење услуги од четвртата генерација на мобилна технологија (4G).

На јавното наддавање, главните извршни директори на трите мобилни оператори понудија по 10.300.000 евра во денарска против вредност за добивање одобрение за користење на радифреквенции.

Почетната вредност на еднократниот надоместок што го утврди АЕК и Владата, изнесува 10 милиони евра.

Фреквенциите од блокот "А" го доби мобилниот оператор ОНЕ, од блокот "Б" му припаднаа на Т-Мобиле Македонија, а блокот "Ц" го доби Вип оператор.

Главните извршни директори по завршувањето на јавното наддавање искажаа задоволство што нивните компании ќе бидат први во регионот што на граѓаните ќе им понудат услуги од четвртата генерација на мобилна технологија. Ова беше трет тендер што го распиша „АЕК“.

Претходните два завршија неуспешно бидејќи никој од операторите не пројави интерес поради повисокиот износ од 15 милиони евра што им го побара „АЕК“ за еднократниот надоместок.

Лиценците што ги добија операторите се со важност од 20 години, а операторите најавуваат дека со услуги би стартувале во 2014 година.

Со додeлувањето на фреквенции од 4G, „Агенцијата за електронски комуникации“ очекува  поголеми брзини на мобилниот широкопојасен интернет, пониски цени, поголема иновација, нови инвестиции и подобра покриеност.