МОМЧЕТО ИМАШЕ САМО 13 ГОДИНИ, ЖРТВА Е НА УБИЕЦОТ ОД ЦЕТИЊЕ: Мартиновиќ пукал и во деца

Добивај вести на Viber

Ацо Мартиновиќ во масакрот во Цетиње уби и две деца на на возраст од 10 и 13 години, пријателите се збогуваат со момчето на социјалните мрежи.

Една од 12-те жртви е момчето М.В. кое имаше само 13 години. Пријателите на социјалните мрежи се збогуваат со со фотографии и тажни пораки.

-Сега кој ќе ме изнервира, па ќе ме насмее со неговиот одговор. О Боже, зошто земаш добри души. Ниту еден час нема да биде ист без тебе. Почивај во мир ангелу. Нека ве чуваат ангелите – пишува на една од фотографиите.

Мартиновиќ го започнал злосторството во ресторанот Велестово во близина на Спортскиот центар. Потоа ги убил членовите на своето семејство и двете деца на возраст од 10 и 13 години на три познати локации. Полицијата соопшти дека се уште се утврдува мотивот.

Обвинителката Андријана Настиќ потврди дека во Цетиње биле убиени 12 лица, а осомничениот Ацо Мартиновиќ се самоубил. Како што пренесува црногорски „Вијести“, обвинителот истражил шест локации, од кои на пет биле извршени убиствата и местото каде што осомничениот се застрелал.

Како е окарактеризиран убиецот?

- Се работи за опасна личност, несовесна и брутална - изјави синоќа директорот на Полициската управа Лазар Шќепановиќ. Тој додаде дека, според официјалните податоци, Мартиновиќ не поседувал регистрирано оружје.

Ацо Мартиновиќ (45) пред две години беше уапсен поради поседување оружје и закани. Не се знае дали и на каква казна тогаш бил осуден.

Шќепановиќ изјави дека Мартиновиќ бил осуден во 2005 година за насилничко однесување. Тој посочи и дека во 2022 година биле преземени одредени мерки, меѓу кои и претрес, при што била пронајдена воздушна пушка, друго оружје и експлозиви.