Добивај вести на Viber
Месарот Драган Ѓуриќ, роден 1980 година, кој живее во Сурчин, ја убил Тијана Јуриќ, потврди српската полиција. Несреќното девојче најпрвин го удрил со автомобилот.
Додека барала помош, тој и пришол, ја фатил за врат и ја вовлекол во автомобилот. Потоа ја однесол кај Сомбор, ја убил и ја закопал. Девојчето било удирано и убиецот и ја соблекол облеката, а со обдукција ќе треба да се утврди дали била силувана, изјавил српскиот министер за полиција Небојша Стефановиќ.
„За жал се исполнија нашите најлоши претпоставки. Полицијата вчера го уапси монструмот кој го направи ова дело. Заради ваков монструм и вакви дела некогаш ми е жал што Србија ја укина смртната казна. Како родител и министер очекува ова да пројде со најтешка можна казна, а за тоа ќе разговарам и со министерот за правда“, рече Стефановиќ на вонредна пресконференција.
Истрагата досега покажала дека убиецот немал соучесници, а уапсениот Ѓуриќ не покажувал никакви знаци на каење за извршеното злодело. Надлежните се надевале дека ќе ја најдат Тијана жива во неговата куќа. Ѓуриќ бил испитан на полиграф каде паднал на сите прашања, а потоа признал дека го извршил делото и ја одвел на местото каде што го закопал телото на Тијана.
„Стоеше на местото каде што ја закопал Тијана и не покажуваше никакво каење. Затоа велам дека се работи за монструм. Тој е висока два метра и тежок преку 100 килограни, а се изживувал на едно мало девојче“, рече Стефановиќ.
Српската полиција и натаму трага по мотивите - убиецот не ја познавал Тијана, немале никаква меѓусебна комуникација.
Полицијата трагаше по 15-годишната Тијана од 26 јули, кога таа исчезна, а потрагата беше поставена како највисок приоритет за српските власти.