Московиси: Еврото од некои аспекти е премногу силна валута
Објавено во: Свет 04 Февруари, 2013
По најновиот скок на вредноста на еврото во однос на доларот и јенот, министерот за економија на Франција Пјер Московиси оцени дека „од некои аспекти“ еврото е премногу силна валута и оти неговиот пораст лошо ќе влијае врз францускиот извоз.
Европската валута во петокот имаше вредност од 1,3711 долари што е највисоко ниво од средината на ноември 2011 година. Еврото се зголеми и во однос на јапонскиот јен – 126,97 што е највисоко ниво од април 2010 година.
Францускиот министер за индустриски развој Арно Монтебург исто така изрази загриженост заради јакнењето на еврото, сметајќи дека тоа ќе има негативни ефекти врз европската економија, а не само врз француската. Тој наведе дека порастот на еврото за само 10 центи значи една милијарда евра помалку за ЕАДС, најголема европска воздухопловна корпорација