Москва и Атина прецизираат како да соработуваат до ноември
Објавено во: Балкан, Економија 19 Јуни, 2015
Рускиот претседател Владимир Путин ја поздравил идејата на грчкиот премиер Алексис Ципрас за изготвување на меморандум за економска соработка помеѓу Русија и Грција.
Ова станало јасно за време на средбата на Путин и Ципрас, која се одржува во рамките на Меѓународниот економски форум во Санкт Петербург, пишува руската новинска агенција „ТАСС“.
Текстовите во меморандумот ќе бидат прецизно приспособени до ноември.
Путин објавил дека билатералните односи меѓу двете земји всушност имаат потреба од подобрување.
Според неговите податоци во 2014 година трговскo-стоковата размена е намалена за 40 отсто.
„За да ја поправиме оваа ситуација, во април преземавме план за заедничко дејствување“, додал уште Путин.
Од своја страна, Алексис Ципрас очекува проширување на односите помеѓу Грција и Русија по потпишувањето на меморандумот за „Турски поток“ претходно денеска.
Документот предвидува формирање заедничка проектна компанија која ќе го изгради гасоводот.