Москва предупредува поради карикатурата на пророкот Мухамед

Добивај вести на Viber

Руската федерална служба за надзор на комуникациите „Roskomnadzor“ ги предупредила медиумите  кои ја објавија карикатурата на пророкот Мухамед дека тоа е против законот во Русија. Вакви фотографии се против законот во Русија . и етничките норми кои важат во неа. „Објавувањето на такви карикатури во руските медиуми е спротивно на етничките и моралните нормативи кои важат со векови“, соопштила „Roskomnadzor“. „Ширењето на карикатури со религиски теми во медиумите, може да биде сфатено како навреда или понижување на претставниците на верата и религиските групи и се оценува како поттикнување на етничка и религиска омраза, како и кршење на рускиот закон“, се додава во соопштението. Таквото објавување, исто така, може и да им наштети на руските закони за медиуми и антиекстремизам, наведува „Roskomnadzor“, повикувајќи ги руските медиуми  да се „воздржат од објавување на карикатурите кои би можеле да бидат сфатени како навреда“. „Roskomnadzor“ го објави ова соопштение како одговор на тековната дебата за „легалитет на објавувањето карикатури кои прикажуваат религиски објекти или предмети на обожување кои се однесуваат на чувствата на религиозните лица“. Голем број весници и магазини низ целиот свет ја испечатија карикатурата на пророкот Мухамед која ја објави магазинот „Шарли Ебдо“ во чија редакција беше извршен масакар и беа убиени десет вработени. Иако руското раководство изјави сочуство со Франција, а шефот на дипломатијата Сергеј Лавров учествуваше во маршот за солидарност во Париз, коментаторите наклонети кон Кремљ и муслиманите ги обвиниле карикатуристите дека предизвикуваат напади, пренесува „АФП“.