24 Јануари, 2021
0.0327

Може ли да се отвори повторно можност за злоупотреба на „црвената нафта“: На потег се пратениците

Објавено во: Економија 13 Јануари, 2021

Може ли повторно да се отвори дупка и акцизите на екстралесното гориво и на дизелот да се вратат по старо, што би било на штета на сите. Имено во Собранието се уште не се донесени измените на Законот за акцизи со кои и официјално изедначувањето, а акцизите на екстралесното масло и на дизелот законски се изедначуваат. Тоа во практика досега беше така откако Владата донесе на 23 јуни Уредба со законска сила во вонредна состојба со која направи измени за законот. Таа уредба истекува на 22 јануари и ако нема измени на Законот за акцизи, се ќе се врати на старо кога поради ниските акцизи екстралесното масло беше поевтино и често се користеше како погонско гориво со што се загадуваше околината.

Се стравува дека тоа би можело да се случи затоа има само уште 9 дена, а измените во Собранието од Влада стасаа вчера. Веќе се закажани седници до 18 јануари, но на нив ваква точка нема. Имајќи предвид како се одвива собраниската работа, можно е да се случи измените и да не поминат. 

Инаку, првично зголемување на акцизата на екстралесното масло за домаќинство и изедначување со акцизата на дизелот првично бараше Стопанската комора. Нивниот аргумент е дека транспортни компании ја злоупотребуваат оваа таканаречена црвена нафта како гориво, со тоа го оштетуваат и буџетот. Со употребата како погонско гориво овој нафтен продукт значајно ја загадува околината.

Кога ја донесе Уредбата во јуни, Владата соопшти дека по долги анализи и консултации одлучи со уредба да го промени Законот за акцизите за време на вонредна состојба со кои се изедначи акцизата на екстралесното масло за домаќинство со акцизата на дизелот како погонско средство и на тој начин да се оневозможи злоупотребата на користењето на „црвената нафта“ спротивно на неговата намена. 

„Притоа, истото ќе овозможи и сузбивање на сивата економија, заштита на животната средина, заштита на потрошувачите и пазарот од нелојална конкуренција и ќе се отстранат причините кои го оштетуваа Буџетот на Државата, граѓаните како и компаниите кои работат со нафтени деривати“, соопшти Владата.

За целиот период и од Регулаторната комисија сметаа дека тоа треба да се случи и го поздравија носењето на уредбата. Сега оттаму веруваат дека измените ќе се донесат во потребниот рок, а ако доколку не се донесе законот навреме, можноста за злоупотреби постои.

А.Т.

Можеби ќе ве интересира

АСОМ: Над 8.000 вработени на улица и отворање пат за нелегално обложување ако се усвојат предлог измените на Законот на игрите на среќа

АСОМ: Над 8.000 вработени на улица и отворање пат за нелегално обложување ако се усвојат предлог измените на Законот на игрите на среќа

Нина Ангеловска и прослави 10 годишен јубилеј на својата „Групер“

Нина Ангеловска и прослави 10 годишен јубилеј на својата „Групер“

Собраниската блокада го враќа стариот проблем со можни злоупотреби на екстра-лесното гориво

Собраниската блокада го враќа стариот проблем со можни злоупотреби на екстра-лесното гориво

НАВАЛИ НАРОДЕ НА ПОЕВТИНИ ГОРИВА - од денеска дизелот и бензините надолу за два денари

НАВАЛИ НАРОДЕ НА ПОЕВТИНИ ГОРИВА - од денеска дизелот и бензините надолу за два денари

Децениски трансфер: Кој директор со силен „бекраунд“ влегува во ЗК Пелагонија?

Децениски трансфер: Кој директор со силен „бекраунд“ влегува во ЗК Пелагонија?

АЗЕСКИ: ДАЛИ КОНЕЧНО ПРОФУНКЦИОНИРА ВИСТИНСКИОТ ДИЈАЛОГ ДРЖАВА -ПРИВАТЕН СЕКТОР?

АЗЕСКИ: ДАЛИ КОНЕЧНО ПРОФУНКЦИОНИРА ВИСТИНСКИОТ ДИЈАЛОГ ДРЖАВА -ПРИВАТЕН СЕКТОР?

НАЈЛОША НЕДЕЛА ОД СЕПТЕМВРИ: Паѓа вредноста на биткоинот

НАЈЛОША НЕДЕЛА ОД СЕПТЕМВРИ: Паѓа вредноста на биткоинот

Кои професии се најмалку платени во Македонија?

Кои професии се најмалку платени во Македонија?

Промени во врвот на Цементарница Усје: Претседателот на Одборот на директори поднесе оставка

Промени во врвот на Цементарница Усје: Претседателот на Одборот на директори поднесе оставка