Можен гасовод сличен на Јужен тек
Објавено во: Економија 25 Март, 2016 11:17
Русија е спремна да спроведе проект на гасоводот под Црното море сличен на Јужен тек ако Европската комисија покаже интерес, рекол портпаролот на рускиот претседател Дмитриј Песков.
Песков рекол дека Русија разговара за таквите проекти со партнерите, но дека се зависи од тоа „колку е предвидливо и конструктивно однесувањето на Европската комисија“.
„Русија планира тоа да го направи ако постои интерес. Ова руската страна го потврди во повеќе прилики“, рекол Песков.
Песков исто така рекол дека директорот на Гаспром Алексеј Милер неодамна престојувал во Италија каде е потпишан меморандум за проектот под Црното море за „доставување на гас за Грција и Италија“.
Портпаролот на претседателот Владимир Путин рекол дека во моментов „нема проект ...сличен на Јужен тек“, бидејќи од тој гасовод се откажале поради ставот на Европската комисија. Песков додал дека Гаспром покажал интерес за таков проект.
Рускиот амбасадор за ЕУ Владимир Чизов изјавил претходно овој месец дека шансите за продолжение на проектот за изградба на гасоводот Јужен тек и понатаму постојат.
Можеби ќе ве интересира
НА ЕУ И НЕДОСТАСУВААТ МЕНАЏЕРИ ЗА ПРОДАЖБА, МАРКЕТИНГ И РАЗВОЈ: Оваа професија има незадоволена побарувачка
Запленетите акции на Сашо Мијалков во Алта банка ставени на продажба
ЕВЕ КОИ ЛИЦА ЌЕ БИДАТ ДЕЛ ОД УО НА ЦЕНТРАЛНА КООПЕРАТИВНА БАНКА - добиена е согласност од Народна банка
Крај на една ера: Легендарниот дизајнерски шеф на Mercedes-Benz ја напушта компанијата
ОД ДЕНЕС НОВИ ЦЕНИ НА ГОРИВАТА: РКЕ вчера ги соопшти деталите
Словенија ќе го зголеми минималецот - колку ќе изнесува?
Хрватска ги заострува условите за вработување странци
Култура со голем потенцијал - заработката е до 20.000 евра по хектар
