МОЖНО Е ОМИКРОН ВЕЌЕ ДА СТАСАЛ ВО МАКЕДОНИЈА: Тестирања кога ќе има сомнителен случај
Објавено во: Македонија 13 Декември, 2021
Можно е новиот сој на коронавирусот веќе да е увезен во Македонија. Од Институтот за јавно здравје не ја исклучуваат оваа можност, но тврдат дека се уште нема тестирања на омикрон во земјава. Д-р Драган Кочински, епидемилог од Институот за јавно здравје за НоваТВ вели дека иако не може да се исклучи дека сојот е импортиран сепак не е докажан во лабораторијата во ИЈЗ.
Директорот на Институтот Шабан Мемети пак, во изјава за ТВ 24 вели дека ја следат состојбата со генетските мутации на вирусот, но тестирања на омикрон не се прават затоа што не се појавил сомнителен случај.
„Се следи состојбата со Ковид 19, посебно со генетските мутации на вирусот. Досега не е направено секвенционирање за Омикрон бидејќи немаме сомнителен случај по епидемиолошка анкета. Ќе почнеме со испитување на оваа мутација кога ќе се зголемат сомневањата во земјава и во регионот. - вели Шабан Мемети, директор на Институт за јавно здравје, за ТВ 24
Најверојатно, тоа ќе се случи десет дена по празниците за кога е можен нов бран поради фрекфенција на патници и собирања за прослава на Нова година.