МУ СЕ СЛОШИЛО ВО СТАНОТ ВО КОЈ ПРЕСТОЈУВАЛ, ПО ШТО ПОЧИНАЛ - детали за смртта на младиот црногорски голман
Објавено во: Балкан 15 Јуни, 2024
Голманот на фудбалската репрезентација на Црна Гора, Матија Шаркиќ, почина утрово во Будва на 27-годишна возраст.
Како што дознава Вијести, му се слошило во станот во кој престојувал, по што починал.
Матија Шаркиќ пред неколку дена ја воодушеви јавноста со своите одбрани на пријателскиот меч со Белгија во Брисел, но после тоа го пропушти натпреварот против Грузија во Подгорица.
По натпреварот против Белгија, шпанска „Марка“ го истакна настапот на црногорскиот голман, пишувајќи во текстот дека „ѓаволите“ наишле на „ѕвездата Шаркиќ“.
Матија Шаркиќ кариерата ја започна во Андерлехт. Играше за Виган, Астон Вила, Ливингстон, Вулверхемптон, Шрусбери, Бирмингем, Милвол и Стоук.
За репрезентацијата на Црна Гора одигра девет натпревари, а дебитираше против Белорусија во пријателски натпревар во 2019 година.
Вијести.меФото: Фудбалски сојуз на Црна Гора