Мудис го намали рејтингот на Словенија, проблем е банкарскиот сектор

Добивај вести на Viber

Агенцијата Мудис го намали кредитниот рејтинг на Словенија, од Баа2 на Ба1, а ова го оправдува со влошувањето на јавните финансии и банкарскиот сектор во земјата. И изгледите за словенечкиот рејтинг остануваат “негативни”, што значи дека не се исклучува можноста за повторно намалување на рејтингот. За разлика до Мудис, Фич и Стандард и Пурс сеуште не го менуваат рејтингот  “А-”, кој значи дека државата е во инвестициска категорија. Одлуката на Мудис ги принуди словенечките власти брзо да се откажат од емисијата на државните обврзници со коишто имаа намера да соберат 2,2 милијарди евра со рок на достигнување од пет и десет години. Словенечкото министерство за финансии ја блокираше таа операција и пред официјалното објавување на оцената од Мудис, со објаснување дека се очекува „можна одлука во поглед на рејтингот" на земјата. Од Мудис посочуваат дека главна причина за намалување на рејтингот е ситуацијата во банкарскиот сектор односно дека има голема веројатност дека на банките ќе им биде неопходна државна инјекција од капитал бидејќи квалитетот на кредитите кои ги одобриле континуирано се влошува од 2012 година. Како проблематичните долгови на словенечките банки се проценуваат  20 отсто од вкупните неисплатени кредити на крајот од минатата година, а се смета дека на словенечките банки ќе им треба инјекција од капитал од 8 до 11 отсто од словенечкиот бруто домашен производ (БДП).