МВР: Акциите против службениците продолжуваат, граѓаните да пријавуваат мито
Објавено во: Македонија 04 Август, 2019
Од Министерството за внатрешни работи апелираат граѓаните да продолжат со пријавување на барање мито од страна на службениците и дека во изминатиот период се превземаат интензивни мерки против прекршителите на законот. Одделот за внатрешна контрола, криминалистички истраги и професионални стандарди дејствувал по добиени оперативни сознанија приведуваше царински и полициски службеници.
– Нашиот Оддел за внатрешна контрола веднаш ќе реагира. Заедно да ги сузбиеме овие несакани појави. Ние преземаме мерки против сите службеници. Минатата недела имавме акција против царински службеници, сега имаме за полициски службеници. Полицијата продожува со конктунирани проверки – изјави Тони Ангеловски, портпаролот на МВР.
Инаку денеска беше соопштено дека кај петмина полициски службеници од граничниот премин „Богородица“ се пронајдени и одземени денари и девизи во износ од 822 евра, како и алкохолни пијалоци, по што се приведени и задржани во СВР Струмица.
Во текот на денот заедно со доказниот материјал ќе бидат предадени на надлежниот јавен обвинител.