МВР излезе на улиците со засилени контроли, казни насекаде
Објавено во: Македонија 30 Јануари, 2018
Како што најави МВР ги засили контролите на скопските улици и ги зголеми активностите за казнување на несовесни возачи, како и на тие кои не ги почитуваат сообраќајните пропис.
Сообраќајната полиција санкционирала 45 возачи кои се движеле со брзина поголема од дозволената, еден возач кој поминал на крстосница на црвено светло, еден возач кој не дал првенство на минување и еден возач за неправилно престројување. Од сообраќај се исклучени двајца возачи кои возеле под дејство на алкохол и седум возачи пред да се стекнат со правото на управување на моторно возило, како и девет возила со истечена важност на сообраќајната дозвола. Санкциониран е и еден пешак кој поминал на крстосница на црвено светло. Затекнати се и 75 непрописно паркирани возила.
Со помош на специјалното возило пајак, отстранети се 86 возила.
Пет лица се полесно повредени во три од вкупно осум сообраќајки регистрирани во текот на изминатиот ден на подрачјето на СВР Скопје. Во пет е причинета материјална штета.