МВР ја потврди сообраќајката на Дац, тој обвини за злоба
Објавено во: Македонија 31 Јануари, 2018
МВР и официјално ја потврди вчерашната сообраќајна несреќа која ја предизвикал Драган Спасов Дац, директорот на МНТ, кој со своето возило БМВ удрил во девојка која преминувала улица при што и нанел полесни телесни повреди.
„На 30.01.2018 во 19.20 часот на улица „Антон Попов“ во Скопје патничко возило БМВ со скопски регистарски таблички управувано од Д.С.(54) удрило во пешакот Е.Ц.(27). Е.Ц е пренесена во ГОБ „Св. Наум Охридски“ каде и се констатирани телесни повреди, по што е пуштена дома.“ стои во информацијата од МВР.
Инаку нема потврда на шпекулации дека Дац бил под дејство на алкохол. Актерот и директор на социјалните мрежи само напиша дека „на злобата и нема крај“ без да дообјасни на што точно мисли, ниту пак сподели свои детали за немилиот настан.