На Блискиот Исток се намалува, а во Европа расте бројот на заразени со корона
Објавено во: Свет, Корона Вирус 03 Ноември, 2021
Европа е единствениот регион каде што се зголемува бројот на инфицирани со коронавирусот.
Светската здравствена Организација (СЗО) укажува дека во Европа веќе петта недела по ред расте бројот на заболени. Стапката на инфекција со коронавирус е највисока во Европа, која објави 192 заразени на 100.000 луѓе. Потоа следат Северна и Јужна Америка, кои имаат околу 72 нови случаи на 100.000 жители. Најголемо намалување има на Блискиот Исток, каде бројот на новозаболени е намален за 12 отсто и во Југоисточна Азија и Африка, каде што бројот е намален за девет отсто. Во светот над 5 милиони луѓе починаа од компликации на коронавирусот.