На еден од српските туристи повредени во Солун 40 отсто од телото е со изгореници
Објавено во: Балкан 07 Август, 2025 21:36
Петмина граѓани на Србија се повредени во експлозија на плинска боца во сместување во грчкото одморалиште Аспровалта, а двајца од нив се со сериозни изгореници.
Маж добил изгореници од прв и втор степен на околу 40 проценти од површината на телото, додека жена е повредена со изгореници од прв степен на 20 проценти од телото.
Двајцата биле итно префрлени во специјализираната болница „Георгиос Папаниколау“ во Солун, каде што, според последните информации, се во стабилна состојба, објавува „Прототема“.
Другите повредени српски туристи се здобиле со полесни повреди и им е укажана лекарска помош на лице место.
Грчките власти спроведоа истрага, а сопственичката на станот е приведена, додека се чекаат резултатите од вештачењето за причината за несреќата, објавува „Прототема“.
Според очевидци, луѓето истрчале од зградата во состојба на шок, некои со исеченици од скршено стакло.
screenshot Фото: Facebook Εθελοντές Διασώστες Βόλβης's post
Можеби ќе ве интересира
Што вели Рама за идејата на новите членки на ЕУ да им се ограничи правото на вето?
(ВИДЕО) Пратениците во албанското Собрание се тепаа и фрлаа чадни бомби
„МИНИСТЕРОТ НЕ ЗЕМА НИТУ ДИНАР“ Вучиќ: Обвинението против Селаковиќ е срамно и безобразно
„Њујорк тајмс“: Фирмата на зетот на Трамп - Кушнер се повлекува од договорот за изградба на хотел во Србија
Граничниот премин Богородица затворен за сообраќај
Потврден случај на лепра во Хрватска: Почната е задолжителна постапка за вакцинација
